31

ہوا سے پانی حاصل کرنے کا ایک اور کامیاب تجربہ

امریکا کی یونیورسٹی آف کیلی فورنیا کے محققین نے ہوا سے پانی حاصل کرنے کا ایک اور کامیاب تجربہ کرلیا ہے۔ ہوا سے پانی کھینچنے والی اس ایجاد کو واٹر ہارویسٹر کا نام دیا گیا ہے۔

اس ہارویسٹر کی منفرد بات یہ ہے کہ یہ بے حد کم نمی والی ہوا سے بھی پانی حاصل کرسکتا ہے۔

یونیورسٹی آف کیلی فورنیا کے ماہرین نے اس ایجاد کی ابتدائی شکل گزشتہ برس اکتوبر میں پیش کی تھی۔ اب اسے مزید تبدیلیوں کے بعد پیش کیا جارہا ہے جس کے بعد یہ بڑے پیمانے پر پانی کے حصول کا ذریعہ بن سکتی ہے۔

ماہرین کے مطابق یہ مشین اس قابل ہے کہ نہایت کم نمی والی صحرائی ہوا سے بھی پانی حاصل کرسکتی ہے۔

یہ پانی معیار کے معاملے میں بھی بہترین ہوگا اور پینے کے قابل ہوگا۔

کچھ عرصہ قبل اسی تکنیک پر کام کرتے ہوئے واٹر سیر نامی ٹربائن بھی تیار کی گئی تھی جو یہی کام انجام دیتی تھی۔

دن کے 24 گھنٹے کام کرنے والی اس ٹربائن کو کام کرنے کے لیے کسی قسم کی بجلی، توانائی، یا کیمیکلز کی ضرورت نہیں ہوتی۔

ماہرین پر امید ہیں کہ اگر اس نوعیت کے تجربات پر بڑے پیمانے پر کام کیا جائے تو پانی کی قلت کا مسئلہ خاصی حد تک حل ہوسکتا ہے۔

اس خبر پر اپنی رائے کا اظہار کریں

اپنا تبصرہ بھیجیں

This site uses Akismet to reduce spam. Learn how your comment data is processed.