95

‘بھارتی حکومت صحافیوں کے تحٖفظ کو یقینی بنائے’

میڈیا کے ایک نگران ادارے نے اپنی گہری تشویش کا اظہار کرتے ہوئے کہا ہے کہ بھارت میں صحافیوں کے کام کے حالات کی صورت حال انتہائی ابتر ہو چکی ہے۔

رپورٹرز ود آؤٹ باڈرز نے مطالبہ کیا ہے کہ حکومت ان صحافیوں کے تحفظ کو یقینی بنائے جو یہ محسوس کررہے ہیں کہ وہ خطرات میں گھرے ہوئے ہیں۔

بدھ کے روز جاری ہونے والی رپورٹ میں کہا گیا ہے کہ بھارت میں 2017 کے دوران تین صحافیوں کو ہلاک کیا گیا اور یہ کہ چوتھے مقدمے کی تحقیقات ابھی تک جاری ہیں۔

میڈیا کے نگران ادارے کی رپورٹ میں کہا گیا ہے کہ 2018 میں صورت حال میں نمایاں طور پر بگاڑ آیا ہے، کیونکہ چوتھا صحافی اس سال کے پہلے چھ مہینوں کے دوران ہلاک ہوا۔

رپورٹ میں کہا گیا ہے کہ صحافیوں کے خلاف نفرت پر مبنی تقاریر میں بڑے پیمانے پر اضافہ ہوا ہے جو ان کی سلامتی کے لیے سنگین تشویش کا باعث رہی ہیں ۔

رپورٹرز ود آؤٹ بارڈرز کی اس رپورٹ پر فوری طور پر بھارتی حکومت کی جانب سے کوئی ردعمل سامنے نہیں آیا۔

صحافیوں کے تحفظ کے لیے کام کرنے والے اس گروپ نے مطالبہ کیا ہے کہ ان واقعات کی فوری اور آزادانہ تحقیقات کی جائیں جن میں صحافیوں کو ہدف بنایا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں

This site uses Akismet to reduce spam. Learn how your comment data is processed.